Պատմական ողբերգական ժամանակաշրջանում ստեղծագործ համայնքը ևս ոտքի է կանգնել՝ իր աջակցությունը ցուցաբերելու։ Artbox-ի շրջանավարտները օգտագործում են իրենց գեղարվեստական տաղանդը՝ աջակցելու Արցախից (Լեռնային Ղարաբաղ) բռնի տեղահանված ընտանիքներին:

Արվեստի ցուցահանդեսներից մինչև երաժշտական միջոցառումներ, այս նախաձեռնությունները ցույց են տալիս, թե ինչպես կարող է արվեստը ծառայել որպես աջակցության և կարեկցանքի աղբյուր:

Բացահայտեք այս բարեգործական նախաձեռնությունների ոգեշնչող պատմությունները։

Կարինե Դուլյանի անհատական ցուցահանդեսը

Կարինե Դուլյանի անհատական ցուցահանդեսը A1 Art Space-ում

Հոկտեմբերի 7-ից 15-ը երևանաբնակ նկարչուհի Կարինե Դուլյանն իր տաղանդը գործի դրեց ի օգնություն Արցախից տեղահանվածների՝ կազմակերպելով անհատական ցուցահանդես A1 Art Space-ում: Ցուցահանդես-վաճառքի արդյունքում Կարինեն հանգանակել է ավելի քան 1 միլիոն դրամ՝ «Թափանցիկ Հայաստան» բարեգործական հիմնադրամի միջոցով ուղղելով այն ի աջակցություն արցախահայությանը։

«Յուրաքանչյուրն ունի օգնելու իր յուրահատուկ ձևը. իմը նկարչության միջոցով է»,- ասում է Կարինեն: Նկարչուհին հայտնի է իր հուզիչ քաղաքային նկարներով և աբստրակտ արվեստով:

Աճուրդում ցուցադրված արվեստի գործերից որոշները կարող եք տեսնել Instagram-ի այս գրառման մեջ:

Tonelab Studio-ի բարեգործական համերգաշարը 

Բարեգործական համերգաշար Tonelab Studio-ում | հնչյունային ռեժիսոր Իվան Լուբիանին Rozen Tal x Tsayg համերգին 21.10.23 (լուսանկարը՝ Նարեկ Ալեքսանյան)

Հոկտեմբերի 7-ին Tonelab անկախ երաժշտական ստուդիան մեկնարկեց բարեգործական համերգների շարք տարբեր արտիստների մասնակցությամբ: Յուրաքանչյուր համերգի շրջանակում Tonelab-ը ներկայացրել է երաժիշտների հետ համագործակցություն՝ ուղղելով հասույթը Արցախից տեղահանված ընտանիքի հասցեական օգնությանը:

Մինչ այժմ թիմը հաջողությամբ հանգանակել է շուրջ 3 միլիոն դրամ՝ ի օգնություն արցախցի 8 ընտանիքի՝ համագործակցելով TmbaTa, FairWind, Katil, Lav Eli, Rozen Tal, Tsayg,  Degh, Mad Nation, Zrangi, և Hogh Arthun (Hogh և Arthur Aleq) անհատ երաժիշտների և երաժշտական խմբերի հետ։

Ընտանիքների ամբողջական պատմությունները և այլ մանրամասներ հասանելի են Tonelab-ի Instagram Highlights-ում :

Սոնյա Ավագյանի «Արցախցի շուշան» շղթաները

Սոնյա Ավագյանի «Արցախցի շուշան» (Artsakhtsi Lily chains) շղթան «Լեռնաշխարհի կախարդները» հավաքածուից

Արցախից տեղահանված ընտանիքներին արագ օգնություն ցուցաբերելու համար ոսկերչական դիզայներ Սոնյա Ավագյանը օգտագործել է իր «Արցախցի շուշան» շղթաների վաճառքից ստացված հասույթը, որն Արցախով ոգեշնչված «Լեռնաշխարհի կախարդները» զարդերի հավաքածուից է։ 

Արդյունքում նա հանգանակել է 2000 ԱՄՆ դոլար՝ ապահովելով անկողնային պարագաներ 58 անձի և կացարան  մեկ շաբաթով 3 ընտանիքի համար։ Դրամահավաքով նաև ձեռք է բերել հագուստ և դեղորայք։

Բացահայտեք Սոնյայի՝ Արցախով ոգեշնչված հավաքածուն և մյուս աշխատանքները դիզայների պաշտոնական կայքում:

Լյոկայի հայրենասիրական ռեփը և փոդքաստը

Երկաթե ոտքով ու սրտով արցախցի ռեփեր

2023 թվականին՝ Արցախի շրջափակումից հետո, արցախցի ռեփեր Վալերի Ղազարյանը, ով առավել հայտնի է Լյոկա բեմական անունով, թողարկել է «Իրավիճակ» փոդքասթը, որը լուսաբանում է արցախցիների առջև ծառացած մարտահրավերների և այն մասին, թե ինչպես նրանք կարող են աջակցություն ստանալ բարեգործական, իրավաբանական, բժշկական և այլ կազմակերպություններից։

Վալերի Ղազարյանը երեք պատերազմի ականատես է եղել։ Նրա ընտանիքը 90-ականներին առերեսվել է ջարդերի ու տեղահանության, երկրորդ տեղահանությանը՝ 2020 թվականին, երրորդին՝ 2023 թվականին։

Փոդքասթի առաջին հինգ թողարկումները կարող եք լսել Լյոկայի YouTube-յան ալիքում։