- Դիմորդները պետք է լինեն 18 տարեկանից բարձր։
- Դիմորդներն իրենց մասնագիտական գործունեությունը պետք է ծավալեն Հայաստանի Հանրապետությունում։
- Դիմորդները պետք է լինեն անհատ ​​ստեղծագործողներ՝ իրենց անձնական ապրանքանիշը զարգացնելու մտադրությամբ:
- Դիմորդները կարող են լինել ցանկացած ստեղծարար ոլորտից. տեսողական արվեստ, կերպարվեստ, գրականություն, ֆիլմ, հեռուստատեսություն և անիմացիա, երաժշտություն, ստեղծարար դիզայն, կատարողական արվեստ, ճարտարապետություն, արվեստի համադրում, արվեստի կառավարում և այլն։
- Դիմորդները պետք է ունենան անգլերեն լեզվի իմացության միջին կամ բարձր մակարդակ կամ ընտրվելու դեպքում ապահովեն լեզվի աջակցություն ծրագրի ողջ ընթացքում, քանի որ բոլոր գրավոր նյութերը և առաջադրանքները պետք է լրացվեն և ներկայացվեն անգլերենով։ 
- Դիմորդները պետք է ցանկանան և կարողանան իրավաբանորեն գրանցել իրենց բիզնեսը Հայաստանի Հանրապետության տարածքում, եթե ընտրվեն որպես մասնակից և դրամաշնորհ ստացող 6-շաբաթյա ծրագրի ավարտից հետո։
- Արցախցի արվեստագետները ևս խրախուսվում են դիմել ծրագրին։
 

Մենք փնտրում ենք արվեստագետների և մշակութային մասնագետների, ովքեր

- գրանցել են հաջողություններ ստեղծարար արդյունաբերության ոլորտում,
- գեղարվեստորեն գրավիչ են,
- ունեն կարողություն ծրագրին բովանդակալից մասնակցության համար,
- ունեն զարգանալու ներուժ,
- պրակտիկ են և ունեն իրատեսական մոտեցում իրենց ծրագրերը կյանքի կոչելու հարցում,
- պատրաստակամ են և բաց զարգացնել իրենց բիզնես մոդելը, առևտրային հաջողությունն ու շուկայական ներուժը։
 

Մինչև դիմելու բուն գործընթացին անցնելը խնդրում ենք համոզվել, որ վերբեռնելու համար ունեք ստորև ներկայացված նյութերը։ Եթե պատրաստ ունեք այս նյութերը, ապա դիմելու գործընթացը կտևի ոչ ավելի, քան 15 րոպե։ Հայտերը ընդունվում են անգլերենով (նախընտրելի լեզու) կամ հայերենով։

1. Բարձր որակի լուսանկար։
​Պահանջներ՝ 
— Բարձր որակի լուսանկար (նվազագույնը 1500px x 1500px չափսի), որտեղ երևում է Ձեր դեմքը, ֆոնը պարզ է, լույսը՝ միատոն։
— Ֆայլը անվանե՛ք՝ ԱնունԱզգանուն_headshot
— Ընդունելի ձևաչափեր՝ PNG կամ JPG
— Առավելագույն սահմանաչափ՝ 10MB

2. Տեսանյութ։ Մենք  ցանականում ենք մի փոքր ավելին իմանալ Ձեր մասին։ Ներկայացե՛ք և պատմե՛ք մեզ, թե ինչու եք ոգևորված այս ծրագրով։ 
Պահանջներ՝  
— Տեսանյութը կարող է նկարահանված լինել հեռախոսով, տեսախցիկով կամ վեբ-տեսախցիկով 
— Ընդունելի ձևաչափեր՝ MP4, MPEG, AVI, FLV, QuickTime
— Առավելագույն տևողությունը՝ 3 րոպե
— Ֆայլը անվանե՛ք՝ ԱնունԱզգանուն_video
— Վերբեռնե՛ք ներկայացնող տեսնայութը Google Drive, Vimeo, DropBox կամ YouTube և տրամադրե՛ք մեզ ֆայլի հղումը
— Համոզվե՛ք, որ հղումը թույլ է տալիս մեզ դիտել Ձեր նյութը
3. Ինքնակենսագրական (Curriculum Vitae), որը տալիս է Ձեր մասին համապարփակ նախապատմություն և ներառում է համապատասխան հղումներ Ձեր աշխատանքներին։ 
Պահանջներ՝
— Ֆայլը անվանե՛ք՝ ԱնունԱզգանուն_CV
— Սահմանաչափը՝ 10MB
— Ընդունելի ձևաչափ՝ PDF

4. Աշխատանքների պորտֆոլիո, որը մեզ կտա Ձեր նախորդ ստեղծարար նախագծերի և աշխատանքների մասին վիզուալ և համապարփակ պատկերացում:

Պահանջներ՝ 
— Ֆայլը անվանե՛ք՝ ԱնունԱզգանուն_Portfolio
— Սահմանաչափը՝ 10MB
— Ընդունելի ձևաչափ՝ PDF.

5․Լրացուցիչ փաստաթուղթ, որը կօգնի մեզ որոշել Ձեր դիմումի ստեղծարար ուժը և ազդեցության արժեքը։ Սա կարող է լինել, օրինակ, ռիլ, ընթացիկ նախագծի լուքբուք կամ ցանկացած այլ լրացուցիչ նյութ։

Պահանջներ՝ 
— Ֆայլը անվանե՛ք՝ ԱնունԱզգանուն_annexes
— Սահմանաչափը՝ 10MB
— Ընդունելի ձևաչափ՝ PDF. 

 

Դիմումը լրացնելու ընթացքում դուք պետք է պատասխանեք մի քանի հարցերի, որոնց կարող եք ծանոթանալ ստորև։ Մենք խորհուրդ ենք տալիս մուտքագրել և պահպանել ձեր պատասխանները ձեր համակարգչի մեջ կամ առցանց որևէ հարթակում, նախքան դրանք ավելացնելը դիմումի ձևաթղթի մեջ, որպեսզի տեխնիկական խնդիրների դեպքում դրանք պահպանվեն Ձեզ մոտ: Հարցերը հետևյալն են.
 

- Պատմե՛ք մեզ Ձեր և Ձեր ստեղծագործական կարիերայի մասին՝ ներառելով այն նախագծերը, որոնք արդեն կյանքի են կոչվել։ (առավելագույնը 250 բառ) 
- Որո՞նք են Ձեր կարճաժամկետ մասնագիտական պլանները և երկարաժամկետ պլանների տեսլականը։ (առավելագույնը 250 բառ) 
- Ներկայացրե՛ք նախկինում Ձեր նախաձեռնողականությունն ու ձեռներեցությունը ապացուցող մի դեպք։ (առավելագույնը 100 բառ) 
- Ինչպես եք պատրաստվում զարգացնել Ձեր առևտրային ներուժը: (առավելագույնը 250 բառ) 
- Եթե Ձեզ տրամադրեին 2500 եվրոյի չափով դրամաշնորհ ձեր բիզնեսի խթանման համար, ինչպե՞ս այն կծախսեիք։ (առավելագույնը 100 բառ) 
- Ի՞նչ սպասելիքներ ունեք Artbox Entrepreneur ծրագրից։ (առավելագույնը 100  բառ) 
 

Ծրագրին դիմելու վերջնաժամկետն է 2023թ․ նոյեմբերի 30-ը (23:59 երևանյան ժամանակով)։ Վերջնաժամկետից հետո ներկայացված դիմումները չեն դիտարկվի։ Խնդրում ենք դիմումները ուղարկել միայն դրանց համար նախատեսված հարթակի միջոցով։ Էլեկտրոնային նամակով կամ այլ կերպ ուղարկված դիմումները չեն դիտարկվի։

Հայտերի գնահատման գործընթացը կտևի հայտերի ընդունման վերջնաժամկետից հետո մինչև 4 շաբաթ։ Ընտրող հանձնաժողովն ընտրության խիստ գործընթացի միջոցով կգնահատի բոլոր հայտադիմումները: Հաջորդ փուլում ընդգրկված դիմորդները կհրավիրվեն ներկայացնելու լրացուցիչ փաստաթղթեր և միանալու տեսազանգի վերջնական գնահատման համար: Բոլոր դիմորդները արդյունքների մասին կտեղեկացվեն գնահատման ողջ գործընթացի ավարտից հետո:

Հարցերի դեպքում կարող եք կապվել մեր թիմի հետ info@artbox.am էլ․ հասցեի միջոցով. մենք ուրախ կլինենք օգնել Ձեզ դիմելու գործընթացում:
 

- Կարո՞ղ եմ դիմել, եթե ես ունեմ ստեղծարար բիզնես գաղափար։

Ոչ, ծրագիրը նախատեսված է անհատ ստեղծագործողներին խթանելու համար: Գաղափարի փուլում գտնվող նախագծերի համար կարող եք ծանոթանալ Artbox Incubator ծրագրին:

- Կարո՞ղ եմ դիմել, եթե իմ բիզնեսը ունի կայուն թիմ և աշխատակիցներ։

Ոչ, ծրագիրը նախատեսված է անհատ ստեղծագործողներին խթանելու համար: Գործող բիզնեսների համար կարող եք ծանոթանալ Artbox Accelerator-ին։

- Կարո՞ղ եմ դիմել, եթե իմ բիզնեսը Հայաստանի Հանրապետությունում չէ։

Artbox-ի ծրագրերը նախատեսված են ՀՀ ում ստեղծարար տնտեսությունը զարգացնելու և խթանելու համար, ուստի ծրագրին մասնակցելու համար ձեր բիզնեսը պետք է գրանցված լինի և գործի Հայաստանի Հանրապետությունում։

- Եթե իմ բիզնեսը ընտրվի որպես ծրագրի մասնակից, արդյո՞ք դա նշանակում է, որ ես կստանամ դրամաշնորհ։

Ծրագրին մասնակցելը չի ​​երաշխավորում, որ դուք կստանաք աքսելերացիոն դրամաշնորհ: Դուք կանցնեք մշակված ուսումնական ծրագիր և կաշխատեք ձեր նախագծի վրա, որն էլ ծրագրի ավարտին կներկայացնեք՝ որպես դրամաշնորհին դիմելու հայտի մաս:

- Ո՞րտեղ են անցկացվում աշխատարանները։

Առցանց, դուք կարող եք միանալ Հայաստանի և աշխարհի ցանկացած կետից, եթե երկրից բացակայում եք:

- Ե՞րբ է սկսվում ծրագիրը և ի՞նչքան է նրա տևողությունը։

Ծրագիրը տևում է 6 շաբաթ՝ հունվարի կեսից մինչև փետրվարի վերջ։

- Շաբաթական ո՞րքան ժամանակ է անհրաժեշտ հատկացնել Artbox ծրագրին։  

Միջին հաշվով, Artbox-ի մասնակիցները շաբաթական առնվազն 5 ժամ են հատկացնում ծրագրին: Այն ներառում է 2 ժամ տևողությամբ առցանց աշխատարաններ երկուշաբթի օրերին (Երևանի ժամանակով 19։00-21։00) և շաբաթական առաջադրանքները կատարելու համար անհրաժեշտ ժամանակը:

- Ի՞նչ լեզվով է իրականցվում ծրագիրը։

Հիմնական աշխատարանները հասանելի են ինչպես անգլերեն, այնպես էլ հայերեն լեզուներով՝ համաժամանակյա թարգմանության միջոցով: Այնուամենայնիվ, գրավոր նյութերի և մենթորների հետ հնարավոր անհատական հանդիպումների համար անհրաժեշտ է, որ դուք կամ ձեր թիմակիցները ունենաք անգլերենի միջին կամ բարձր մակարդակ։

- Կարո՞ղ եմ դիմել ծրագրին, եթե ես անհատ ձեռներեց եմ, բայց դեռ չեմ գրանցել իմ բիզնեսը:

Այո, բայց պետք է նկատի ունենաք, որ իրավաբանորեն անհրաժեշտ կլինի գրանցել ձեր բիզնեսը Հայաստանի Հանրապետության տարածքում, եթե ընտրվեք որպես մասնակից և դրամաշնորհ ստացող։