- Դիմումները բաց են Հայաստանի Հանրապետության բոլոր գրանցված և գործող  մշակութային և ստեղծարար բիզնեսների համար, որոնք նպատակ ունեն ընդլայնելու իրենց առևտրային ներուժը, կայունությունը և եկամտաբերությունը։

- Դիմորդները կարող են լինել ցանկացած ստեղծագործական ոլորտից կամ միջոլորտային (տեսողական արվեստ, կերպարվեստ, գրականություն, կինո, հեռուստատեսություն և անիմացիա, երաժշտություն, նորաձևություն, ստեղծագործական դիզայն, կատարողական արվեստ և այլն)։

- Ծրագրին կարող է մասնակցել յուրաքանչյուր բիզնեսի թիմի մինչև 3 անդամ, որոնցից մեկը պետք է լինի բիզնեսի սեփականատերը: Յուրաքանչյուր ընտրված բիզնես պետք է նշանակի թիմի առաջնորդ, որը պատասխանատու կլինի բոլոր աշխատարաններին մասնակցելու և ծրագրի հետ կապված բոլոր պարտականությունները կատարելու համար: Եթե բիզնեսի սեփականատերը թիմի առաջնորդը չէ, ապա նա միևնույն է պետք է լինի ծրագրի մի մասը և ներգրավված մնա ողջ ծրագրի ընթացքում, որպեսզի բոլոր աշխատանքները կատարվեն իր բիզնեսի նպատակներին և տեսլականին համապատասխան:

- Թիմի առաջնորդը պետք է ունենա անգլերենի իմացության միջին կամ բարձր մակարդակ, որպեսզի կարողանա լրացնել գրավոր բոլոր նյութերը, ինչպիսիք են շաբաթական առաջադրանքները և այլ հանձնարարություններ, ինչպես նաև մասնակցել անհատական խորհրդատվություններին, որոնք անց են կացվում անգլերենով։  

Մենք փնտրում ենք բիզնեսներ, որոնք՝
- գրանցել են հաջողություններ ստեղծարար արդյունաբերության ոլորտում,
- ունեն գեղարվեստորեն ամուր և դինամիկ բովանդակություն և/կամ ծրագրավորում,
- ունեն կարողություն և նշանակված թիմ Artbox Accelerator-ին բովանդակալից մասնակցության համար,
- ունեն զարգանալու ցանկություն և ներուժ,
- պրակտիկ են և ունեն իրատեսական մոտեցում իրենց ծրագրերը կյանքի կոչելու հարցում,
- պատրաստակամ են և բաց ընդլայնելու իրենց ծառայությունները, լսարանը, մարքեթինգը և այլն՝ շահույթ ստանալու համար։
 

Մինչև դիմելու բուն գործընթացին անցնելը, խնդրում ենք համոզվել, որ վերբեռնելու համար ունեք ստորև ներկայացված նյութերը։ Եթե պատրաստ ունեք այս նյութերը, ապա դիմելու գործընթացը կտևի ոչ ավելի, քան 15 րոպե։ Հայտադիմումը պետք է ներկայացվի բիզնեսի սեփականատիրոջ հետ համաձայնությամբ և հաստատմամբ։ Հայտերը ընդունվում են անգլերենով (նախընտրելի լեզու) կամ հայերենով։

1. Ձեր բիզնեսի/կազմակերպության ներկայանալի լուսանկար
​Պահանջներ՝ 
- Բարձր որակի լուսանկար (նվազագույնը 1500px x 1500px չափսի)
- Ֆայլը անվանե՛ք՝ ՀաստատությանԱնվանում_photo, (օրինակ՝ MyMusicStudio_photo)
- Ընդունելի ձևաչափեր՝ PNG կամ JPG
- Ֆայլի առավելագույն ծավալ՝ 10MB

2. Տեսանյութ։ Մենք ցանկանում ենք մի փոքր ավելին իմանալ Ձեր բիզնեսի/կազմակերպության մասին։ Ներկայացե՛ք և պատմե՛ք մեզ, թե ինչու եք ոգևորված ծրագրով։ 
Պահանջներ՝ 
- Տեսանյութը կարող է նկարահանված լինել հեռախոսով, տեսախցիկով կամ վեբ-տեսախցիկով 
- Ընդունելի ձևաչափեր՝ MP4, MPEG, AVI, FLV, QuickTime
- Առավելագույն տևողությունը՝ 3 րոպե
- Ֆայլը անվանե՛ք՝ ԲիզնեսիԱնվանում_video, (օրինակ՝ MyMusicStudio_video)
- Վերբեռնե՛ք ներկայացնող տեսնայութը Google Drive, Vimeo, DropBox, կամ YouTube և տրամադրե՛ք ֆայլի հղումը ստորև
- Համոզվե՛ք, որ մեզ տվել եք նյութը դիտելու թույլտվություն ձեր հղման կարգավորումներում

3․ Թիմի յուրաքանչյուր անդամի բարձր որակի լուսանկար
​Պահանջներ՝ 
- Բարձր որակի լուսանկար (նվազագույնը 1500px x 1500px չափսի), որտեղ երևում է Ձեր դեմքը, ֆոնը պարզ է, լույսը՝ միատոն։
- Ֆայլը անվանե՛ք՝ ԱնունԱզգանուն_headshot (Օրինակ՝ AramAramyan_headshot)
- Ընդունելի ձևաչափեր՝ PNG կամ JPG
- Ֆայլի առավելագույն ծավալ՝ 10MB

4. Պորտֆոլիո, որը մեզ կօգնի հասկանալ Ձեր բիզնեսի ներուժը: Այն կարող է լինել Ձեր բիզնեսի բուկլետը, ձեր բիզնեսի մոդելը, ռազմավարական պլանը, ֆինանսական կանխատեսում, տեսանյութի հղում կամ հրապարակումներ մամուլում:
Պահանջներ՝
- Ֆայլը անվանե՛ք՝ ԲիզնեսիԱնվանում_portfolio (օրինակ՝ MyMusicStudio_portfolio)
- Խնդրում ենք մեկ կամ երկու նախադասությամբ բացատրել, թե ինչ է պարունակում յուրաքանչյուր նյութը կամ հղումը։ -Համոզվեք, որ տալիս եք բացատրություն կամ նկարագրողական տեքստ յուրաքանչյուր հղման համար:
- Ֆայլի առավելագույն ծավալ՝ 10MB
- Ընդունելի ձևաչափեր՝ PDF

5. Լրացուցիչ (ոչ պարտադիր). Թիմի յուրաքանչյուր անդամի ինքնակենսագրականը (Curriculum Vitae), որը տալիս է համապարփակ նախապատմություն և ներառում է թիմի յուրքանչյուր անդամի աշխատանքների համապատասխան հղումներ։
​Պահանջներ՝ 
- Ֆայլը անվանե՛ք՝ ԱՆՈՒՆԱզգանուն_CV (օրինակ՝  AramAramyan_CV)
- Ֆայլի առավելագույն ծավալ՝ 10MB
- Ընդունելի ձևաչափ՝ PDF

Դիմումը լրացնելու ընթացքում դուք պետք է պատասխանեք մի քանի հարցերի, որոնց կարող եք ծանոթանալ ստորև։ Մենք խորհուրդ ենք տալիս մուտքագրել և պահպանել ձեր պատասխանները ձեր համակարգչի մեջ կամ առցանց որևէ հարթակում, նախքան դրանք ավելացնելը դիմումի ձևաթղթի մեջ, որպեսզի տեխնիկական խնդիրների դեպքում դրանք պահպանվեն Ձեզ մոտ.

- Պատմե՛ք մեզ ձեր բիզնեսի մասին. Ո՞րն է ձեր բիզնեսի տեսլականը, որը այն դարձնում է յուրահատուկ և արդյո՞ք ունի բարձր առևտրային ներուժ կամ լսարան: (առավելագույնը 200 բառ)
- Ներկայացրե՛ք մեզ ձեր բիզնեսի հիմանկան անձնակազմին. ի՞նչն է այն դարձնում ուժեղ: (առավելագույնը 200 բառ)
- Որո՞նք են եղել ձեր բիզնեսի հիմնական ձեռքբերումները: (առավելագույնը 300 բառ)
- Որո՞նք են ձեր ներկայիս մարտահրավերները: (առավելագույնը 300 բառ)
- Որո՞նք են ձեր բիզնեսի կարճաժամկետ նպատակները և երկարաժամկետ տեսլականը: (առավելագույնը 300 բառ)
- Ինչպե՞ս կծախսեք 30,000 եվրոն՝ ձեր բիզնեսը զարգացնելու համար: (առավելագույնը 200 բառ)
- Ի՞նչ եք ակնկալում ստանալ Artbox Accelerator ծրագրից: (առավելագույնը 200 բառ)

Ծրագրին դիմելու վերջնաժամկետն է 2023թ.-ի հուլիսի 30-ը, կիրակի (23։59, Երևանի ժամանակով)։ Խնդրում ենք նկատի ունենալ, որ ուշացած հայտերը չեն դիտարկվելու: Մենք ընդունում ենք դիմումները բացառապես հայտերի լրացման ձևի միջոցով։ Էլ. փոստով կամ այլ միջոցներով ուղարկված հայտերը չեն դիտարկվի:

Հարցերի դեպքում կարող եք կապվել մեր թիմի հետ info@artbox.am էլ․ հասցեի միջոցով. մենք ուրախ կլինենք օգնել Ձեզ դիմելու գործընթացում:

Հայտերի գնահատման գործընթացը կտևի հայտերի ընդունման վերջնաժամկետից հետո մինչև 3-4 շաբաթ։ Ընտրող հանձնաժողովն ընտրության խիստ գործընթացի միջոցով կգնահատի բոլոր հայտադիմումները: Հաջորդ փուլում ընդգրկված դիմորդները կհրավիրվեն ներկայացնելու լրացուցիչ փաստաթղթեր և միանալու տեսազանգի վերջնական գնահատման համար: Բոլոր դիմորդները արդյունքների մասին կտեղեկացվեն գնահատման ողջ գործընթացի ավարտից հետո:

- Կարո՞ղ եմ դիմել, եթե ես ունեմ ստեղծարար բիզնեսի գաղափար։
Ոչ, ծրագիրը նախատեսված է արդեն իսկ գոյություն ունեցող ստեղծարար բիզնեսները խթանելու համար: Գաղափարի փուլում գտնվող նախագծերի համար կարող եք ծանոթանալ Artbox Incubator ծրագրին:

- Կարո՞ղ եմ դիմել, եթե իմ բիզնեսը Հայաստանի Հանրապետությունում չէ։
Artbox-ի ծրագրերը նախատեսված են ՀՀ ում ստեղծարար տնտեսությունը զարգացնելու և խթանելու համար, ուստի ծրագրին մասնակցելու համար ձեր բիզնեսը պետք է գրանցված լինի և գործի Հայաստանի Հանրապետությունում։

- Իրավասու՞ եմ մասնակցել ծրագրին, եթե նոր եմ գրանցել բիզնեսը։ 
Այս ծրագրի շրջանակներում նախապատվությունը կտրվի այն բիզնեսներին, որոնք ունեն փորձառություն, ինչպես նաև աճելու և ընդլայնվելու ներուժ: Եթե ​​ցանկանում եք դիմել նորաստեղծ բիզնեսով, ձեր բիզնեսի պորտֆոլիոն պետք է բավականաչափ համոզիչ լինի, որպեսզի ձեր հայտը դիտարկվի այլ՝ ավելի փորձառու դիմորդների հետ միասին:

- Եթե իմ բիզնեսը ընտրվի որպես ծրագրի մասնակից, արդյո՞ք դա նշանակում է, որ ես կստանամ դրամաշնորհ։
Ծրագրին մասնակցելը չի ​​երաշխավորում, որ դուք կստանաք աքսելերացիոն դրամաշնորհ: Դուք կանցնեք մշակված ուսումնական ծրագիր և կաշխատեք ձեր պլանի վրա, որն էլ ծրագրի ավարտին կներկայացնեք՝ որպես դրամաշնորհին դիմելու հայտի մաս:

- Ես բիզնեսի սեփականատերն եմ, արդյո՞ք կարիք կա մեկ այլ մարդու նշանակել որպես թիմի առաջնորդ։ 
Եթե ​​դուք ժամանակ ունեք բովանդակալից մասնակցելու բոլոր աշխատարաններին, ինչպես նաև աշխատելու և ժամանակին հանձնելու բոլոր առաջադրանքները, ապա կարող եք դիմել որպես թիմի առաջնորդ: Սակայն եթե կարծում եք, որ ծրագրի ընթացքում կարող եք լինել ծանրաբեռնված և ունենալ պլանավորման հետ կապված խնդիրներ, մենք խրախուսում ենք թիմի մյուս անդամներից որևէ մեկին նշանակել որպես թիմի առաջնորդ: Խնդրում ենք նկատի ունենալ, որ բիզնեսի սեփականատերը ամեն դեպքում պետք է լինի թիմի անդամ և ներգրավված մնա ողջ ծրագրի ողջ։

- Ի՞նչ լեզվով է իրականցվում ծրագիրը։
Հիմնական աշխատարանները հասանելի են ինչպես անգլերեն, այնպես էլ հայերեն լեզուներով՝ համաժամանակյա թարգմանության միջոցով: Այնուամենայնիվ, գրավոր նյութերի և մենթորների հետ հնարավոր անհատական հանդիպումների համար անհրաժեշտ է, որ դուք կամ ձեր թիմակիցները ունենաք անգլերենի միջին կամ բարձր մակարդակ։

- Շաբաթական ո՞րքան ժամանակ է անհրաժեշտ հատկացնել Artbox ծրագրին։  
Միջին հաշվով, Artbox-ի մասնակիցները շաբաթական առնվազն 5 ժամ են հատկացնում ծրագրին: Այն ներառում է 2 ժամ տևողությամբ առցանց աշխատարաններ երկուշաբթի օրերին (Երևանի ժամանակով 17։00-19։00), 30 րոպե տևողությամբ առցանց խորհրդատվություններ ուրբաթ օրերին և շաբաթական առաջադրանքները կատարելու համար անհրաժեշտ ժամանակը:

- Ծրագրին մասնակցելու համար պետք է ֆիզիկապես ներկա՞ լինեմ թե՞ կարող եմ միանալ օնլայն։
Artbox ծրագրերը անցկացվում են օնլայն ձևաչափով և ֆիզիկական ներկայություն չի պահանջվում։