Creative Armenia-ն հաջողությամբ ավարտեց Artbox Entrepreneur հեղինակային ծրագիրը, որը հնարավորություն է տալիս անհատ ստեղծագործողներին աջակցելու դառնալ ստեղծարար ձեռներեցներ:

21 արվեստագետներ, որոնք ներկայացնում են արվեստի տարբեր ոլորտներ, ինչպիսիք են դիզայնը, վիզուալ և մուլտիմեդիա արվեստը, ֆիլմարտադրությունը և լուսանկարչությունը, սկսեցին իրենց ձեռնարկատիրական ճանապարհորդությունը Artbox-ի հետ։ Նրանց նպատակն էր սկիզբ դնել իրենց ստեղծարար կարիերային, զարգացնել իրենց անհատական բրենդինգը և ապահովել ավելի մեծ եկամուտ: Ծրագրի շրջանակում կազմակերպված շաբաթական աշխատարանների և խորհրդատվությունների ընթացքում մասնակիցները աշխատեցին բիզնեսի, նորարարության ու ձեռներեցության, ինչպես նաև ստեղծարար արդյունաբերության ոլորտի առաջատար միջազգային մենթորների հետ Ֆրանսիայից, Իտալիայից, Իսպանիայից, Մեքսիկայից և ԱՄՆ-ից։ Աշխատարանների արդյունքում մասնակիցները ձեռք բերեցին գիտելիքներ ու նոր հմտություններ իրենց անհատական բրենդինգի, առաջխաղացման, վաճառքի ռազմավարությունների մասին և ավելին։

Artbox Entrepreneur ծրագրի երրորդ թողարկումն ավարտեցին և ընդհանուր 52,500 եվրո դրամաշնորհ ստացան 21 ստեղծագործողներ (յուրաքանչյուրը՝ 2,500 եվրո)։ Ծրագրի դրամաշնորհառուներն են՝

• Անահիտ Ղազախեցյան (բանաստեղծ և թարգմանիչ)
• Անուշ Գուրգենյան (նկարազարդող և անիմատոր)
• Արման Գասպարյան (լուսանկարիչ)
• Քրիստինե Աբրահամյան (դիզայներ և ճարտարապետ)
• Դինա Ծատուրեան (զարդերի դիզայներ)
• Էզեկիել Գիրագոսյան (կրկեսի արտիստ, ուսուցիչ)
• Գայանե Ղազարյան (նորաձևության դիզայներ)
• Գայանե Հակոբյան (նկարազարդող և գրաֆիկ դիզայներ)
• Հասմիկ Բադոյան (մուլտիմեդիա արվեստագետ)
• Լիլիթ Մարդանյան (կոմիքսների և գրաֆիկ նկարիչ)
• Լիլիթ Նազարեթյան (մուլտիմեդիա արվեստագետ և պատմասաց)
• Մանե Թաթուլյան (պրոֆեսոր, գրող և դիզայներ)
• Մանե Ենգիբարյան (գրաֆիկ դիզայներ և սեղանի խաղերի ստեղծող)
• Մարիամ Առուշանյան (հնչյունային ռեժիսոր և ստեղծագործող)
• Մարինա Հակոբյան (քանդակագործ)
• Մարիթա Պարտագճեան (վիզուալ արվեստագետ և ուսուցիչ)
• Մերի Դանիելյան (կինոռեժիսոր և լուսանկարիչ)
• Նարե Արիս (կինոպրոդյուսեր, ռեժիսոր և գրող)
• Նարեկ Ջհանգիրյան (նորաձևության դիզայներ և ոճաբան)
• Ռոզմարի Շվարց (ամերիկահայ նորաձևության դիզայներ)
• Ելենա Ներսեսյան (կոմիքսների նկարիչ ու նկարազարդող)
   

«Artbox Entrepreneur ծրագրի երրորդ թողարկման 21 արվեստագետներ դարձան ստեղծարար ձեռներեցներ։ Creative Armenia-ում մենք հավատում ենք, որ բոլոր ստեղծագործողներն ունեն իրենց արվեստից կայուն եկամուտի հոսք ստեղծելու կարողություն և ներուժ: Artbox Entrepreneur-ի դերը կայանում է այդ ստեղծագործողներին աջակցելու մեջ այդ արդյունքին հասնելու համար», – ասաց Creative Armenia-ի ծրագրերի տնօրեն Անուշ Տեր-Խաչատրյանը։