Creative Armenia-ն հաջողությամբ ավարտեց Artbox Entrepreneur հեղինակային ծրագիրը, որի նպատակն է անհատ ստեղծագործողներին աջակցել դառնալ ստեղծարար ձեռներեցներ:

Երաժշտության, նորաձևության, վիզուալ արվեստի և այլ ոլորտներից 22 արվեստագետներ մասնակցեցին Artbox-ի ծրագրին՝ մեկնարկելու իրենց ստեղծարար կարիերան, զարգացնելու իրենց անհատական բրենդինգը և ապահովելու ավելի մեծ եկամուտ: Շաբաթական աշխատարանների ընթացքում ծրագրի մասնակիցները աշխատել են փորձագետների և կայացած ձեռներեց մենթորների հետ Հայաստանից, Ֆրանսիայից, Մալթայից և Շվեյցարիայից՝ զարգացնելու իրենց անհատական բրենդինգի, առաջխաղացման և վաճառքի ռազմավարությունները։ Ծրագրի ավարտին 22 արվեստագետներ ստացել են ընդհանուր 55,000 եվրո դրամաշնորհ՝ Artbox ծրագրի ընթացքում մշակված իրենց ձեռներեցության ծրագրերն իրականանալի դարձնելու համար։

Artbox Entrepreneur ծրագիրն ավարտած և ընդհանուր 55,000 եվրո դրամաշնորհ (յուրաքանչյուրը 2,500 եվրո) ստացած 22 ստեղծագործողներն են՝ 

• Անահիտ Յազիչյան (նորաձևության դիզայներ)
• Անահիտ Մարկարյան (կոմպոզիտոր)
• Արուսիկ Նանյան (երաժիշտ)
• Միլա Աշխեն Խանձրածյան (նկարազարդող, գրաֆիկ դիզայներ և խեցեգործ)
• Աշոտ Ղազարյան (երաժիշտ)
• Բէլա Պողոսյան (Բազմաժանր արվեստագետ և համադրող)
• Էլիզա Բաղդիյան (երաժիշտ և գրաֆիկ դիզայներ)
• Հակոբ Մաճկալյան (ճարտարապետ)
• Հասմիկ Սողոմոնյան (Նկարիչ և դիզայներ)
• Խորեն Միքայելյան (կիթառահար և երաժշտական պրոդյուսեր)
• Լիլիթ Մարտիրոսյան (Նկարիչ և նկարազարդող)
• Լիլիթ Միկոյան (լուսանկարիչ և զարդերի դիզայներ)
• Լիլիթ Մնացականյան (նկարիչ)
• Լուսինե Մլքե-Գալստյան (երաժիշտ և կոմպոզիտոր)
• Մարիամ Պապյան (նկարիչ և դիզայներ)
• Մերի Բայաթյան (նկարիչ)
• Մերի Առաքելյան (գրաֆիկ դիզայներ)
• Բարտի Մինասեան (կոմպոզիտոր և դասական կիթառահար) 
• Ռալֆ Քէօշկէրեան (կոմպոզիտոր)
• Ռաֆաել Վարդանյան (երգիչ, երգահան, գործիքավորող և կոմպոզիտոր)
• Սոնա Թուրաբյան (ալտահար)
• Վարդգես Մանուկյան (կինեմատոգրաֆիստ)

«Եվս 22 արվեստագետներ Artbox ծրագրի շրջանակում դարձան ստեղծարար ձեռներեցներ։ Creative Armenia-ում մենք հավատում ենք, որ բոլոր ստեղծագործողներն ունեն իրենց արվեստից կայուն եկամուտի հոսք ստեղծելու կարողություն և ներուժ: Artbox Entrepreneur-ի դերը կայանում է այդ ստեղծագործողներին աջակցելու մեջ արդյունքի հասնելու համար: Մենք ուրախ ենք, որ արդեն ունենք 50+ անհատ ստեղծագործողների համայնք, որոնք դարձել են անհատ ձեռներեցներ մեր ծրագրի միջոցով», – ասաց Creative Armenia-ի ծրագրերի տնօրեն Անուշ Տեր-Խաչատրյանը։