Ուրբաթ օրը՝ փետրվարի 17-ին, Creative Armenia-ն իր Artbox տոնախմբության պաշտոնական միջոցառման ժամանակ հայտարարեց Artbox Entrepreneur ծրագրի 24 ընտրված մասնակիցներին, ինչպես նաև Artbox ինկուբատորի սաղմնային դրամաշնորհի 10 հաղթողներին։ Միջոցառումը ողջունեց Creative Armenia-ի արվեստագետների և ստեղծագործողների մեծ համայնքին, հիմնադրամի ծրագրերի մասնակիցներին՝ Artbox ինկուբատորի շրջանավարտներին, Creative Armenia-AGBU Fellow-ներին և Artbox Entrepreneur ծրագրի նոր ընտրված մասնակիցներին: Միջոցառմանը նաև ներկա էին Հայաստանում ԵՄ պատվիրակության, ՀԲԸՄ Հայաստանի և Գերմանական Համագործակցության ներկայացուցիչները։ 

Երեկոն արձանագրեց Creative Armenia-ի ծրագրերից մեկի՝ Artbox Entrepreneur-ի մեկնարկը։ 2023թ․-ի փետրվարից ապրիլ ընկած ժամանակահատվածում արվեստի տարբեր ոլորտներից ընտրված 24 տաղանդավոր արվեստագետները Artbox Entrepreneur-ի շրջանակներում կմեկնարկեն իրենց ուղին՝ իրենց ստեղծարար կարիերաներին կառուցվածք, ուժ և կայունություն տրամադրելու։ 8-շաբաթյա կարիերայի խթանման գործընթացի ընթացքում այս արվեստագետները կհանդիպեն ակնառու մենթորների և մշակութային առաջնորդների՝ իրենց աշխատանքի շուրջ իրենց Artbox-ը կառուցելու։ Ծրագրի ավարտին նրանք կմշակեն իրենց կարիերայի խթանման նախագիծը որը այնուհետև կյանքի կկոչեն 2,500 երվոյի չափով Artbox դրամաշնորհի միջոցով։

Artbox Entrepreneur ծրագրի 24 մասնակիցներն են՝

• Անահիտ Պետրոսյանը՝ գրաֆիկ դիզայներ և նկարազարդող
• Անդրանիկ Բերբերյանը՝ կոմպոզիտոր և երաժշտության արտադրող
• Անուշ Ղազարյանը՝ նորաձևության մոդելավորող
• Արմեն Պապյանը՝ երաժիշտ, ձայնային դիզայներ և կոմպոզիտոր 
• Արտակ Կոստանդյանը՝ նկարիչ
• Արտուշ Միքայելյանը՝ բոմադրող ռեժիսոր
• Էմմա Հարությունյանը՝ համադրող և մշակութային մենեջեր
• Գայանե Ասլանյանը՝ դաշնակահար և կոմպոզիտոր
• Հայկ Պիջոյանը՝ երաժիշտ և կոմպոզիտոր
• Կարինե Դուլյանը՝ նկարիչ և ճարտարապետ
• Մարիամ Ստեփանյանը՝ նկարիչ
• Մարիամ Թովմասյանը՝ նկարիչ և նկարազարդող
• Մերի Հովսեփյանը՝ նկարազարդող և կոմիքսների նկարիչ
• Մհեր Գաբոյանը՝ նկարիչ և վիզուալ արվեստագետ
• Միքայել Սիմոնյանը՝ նորաձևության մոդելավորող
• Շամիրամ Խաչատրյանը՝ կոմիքսների նկարիչ
• Շուշան Հյուսնունցը՝ երաժշտագետ և հնչյունային արտիստ
• Սիրանուշ Մխիթարյանը՝ նկարչուհի և դիզայներ
• Սիրանուշ Վարդանյանը՝ կինոռեժիսոր և լուսանկարիչ
• Սվետլանա Ամատունիը՝ դիզայներ և խեցեգործ
• Տաթևիկ Վասիլյանը՝ խաղալիքների դիզայներ
• Վալերի Ղազարյանը՝ ռեփեր
• Վարդեր Բաղդասարյանը՝ նկարչուհի
• Վերոնիկա Բարսեղյանը՝ խեցեգործ

Creative Armenia մշակութային հիմնադրամը և ՀԲԸՄ Հայաստանի կողմից համատեղ իրականացվող Կատապուլտ ստեղծարար աքսելերացիոն ծրագիրը ուրախ են նաև հայտատրարել Artbox սաղմնային դրամաշնորհի հաղթողներին․ 10 ստեղծարար նախագծեր, որոնք հաջողությամբ ավարտեցին 12-շաբաթյա Artbox ստեղծարար ինկուբատորը և ցուցաբերեցին իրենց ստեղծագործական գերազանցությունը՝ զուգորդված առևտրային հաջողության ներուժով։ 

12 շաբաթվա ընթացքում ստեղծարար թիմերը, որոնք ներկայացնում են հզոր ժամանակակից նախագծեր թատրոնի, երաժշտության, դիզայնի և այլ ոլորտներում, սերտորեն աշխատեցին ակնառու միջազգային և տեղացի մենթորների և խոսնակների հետ, զարգացնելով իրենց հմտությունները տարբեր ասպարեզներում՝ շուկայի վելուծությունից և մարքեթինգային նախագծից մինչև ֆինանսական պլանավորում և իրավական նորմեր։ Ինկուբացիոն շրջանի ավարտից հետո 23 նախագծերից հետևյալ 10-ը ստացան Artbox սաղմնային դրամաշնորհ՝

«Բեբուկ» թատրոն-ավտոբուսը, որը բեմադրում է տիկնիկային և ստվերային ինտերակտիվ ներկայացումներ երեխաների համար (Անի Երեմյան և Ռուզաննա Պետրոսյան)։

• DASEIN անկախ և յուրօրինակ ամսագիրը՝ նվիրված արդի հայկական իրականությանը, մշակույթին և գեղագիտությանը (Վանանե Բորյան, Ինա Աբրահամյան և Աննա Վահրամի)։
• DIARIES ստեղծարար գործակալությունը՝ նվիրված էլեկտրոնային երաժշտությանը և թվային արվեստին (Հարմիկ Մաքերթումյան)։
• «Տուն Տուն Արթ Հաուս» կատարողական արվեստի համայնքային կենտրոնը (Նուռ-Անի Սիսեռյան)։ 
• Dk.tsk Live՝ յուրահատուկ ձայնագրման լեյբլը և երաժշտական կոլեկտիվը (Հրանուշ Առաքելյան և Հովսեփ Աղջյան)։ 
• Maestro բջջային հավելվածը, որը երաժշտական կրթությունը զվարճալի է դարձնում (Արուս Նազարյան և Լյուսի Բիչախչյան)։ 
• «ՄանԲան» հրատարակչություն` hայկական մշակութային և գեղարվեստական ​​ուղղություններն ու ժառանգությունը տարածող և դրանց օժանդակող մասնագիտացված անկախ հրատարակչությունը (Վիգեն Գալստյան և Օֆելյա Ազիզյան)։
• Pambak Games սեղանի խաղերը՝ ոգեշնչված հայկական ժողովրդական հեքիաթների և առասպելաբանության թեմաներից (Անի Ալեքանդրյան, Կարապետ Խաչատուր, Մարետտա Այվազյան, Անատոլ Առաքելյան)։
• Rug Code առցանց խանութը, որը միջազգային գնորդներին կներկայացնի Հայաստանի գորգագործներին և նրանց արտադրանքը (Քայլ Խանդիկյան)։
• ToneLab ընկերությունը, որը միավորում է ռոք և այլ ժանրերի երաժշտական ուղղություների ուսուցման և ստեղծման ամբողջ ցիկլը (Արմեն Եդիգարյան, Նարեկ Թովմասյան և Արսեն Օհանջանյան)։ 

Artbox ինկուբատորի նախագծերի մասին ավելին իմանալու համար այցելեք պաշտոնական ցուցադրության էջ՝ bit.ly/3YhJ7D7 հղումով։

«Artbox-ի մեր առաքելությունն է զարգացնել արվեստագետների և ստեղծագործողների նոր սերունդը, զինել նրանց հիմնարար բիզնես մտածելակերպով և հմտություններով, ուղղորդել նրանց՝ վերածելու իրենց ստեղծարար գաղափարները առևտրային ներուժ ունեցող արտադրանքի։ Մենք անչափ ուրախ ենք շարունակելու այս աջակցությունը՝ սաղմնային դրամաշնորհ տրամադրելով ինկուբացված 23 նախագծերից 10-ին, որոնք աչքի են ընկել իրենց ստեղծագործական և առևտրային ներուժով, ինչպես նաև մեկնարկել Artbox Entrepreneur ծրագիրը։ Սա մեր հաջորդ մեծ ցատկն է դեպի ստեղծարար արդյունաբերության շրջադարձային փոփոխությունը»,- ասաց Creative Armenia-ի ծրագրերի տնօրեն Անուշ Տեր-Խաչատրյանը։ 

«ՀԲԸՄ Հայաստանը ուրախ է լինել Artbox-ի համայնքի մի մասը, քանի որ այսօր մենք նշում ենք ոչ միայն ինկուբատոր ծրագրի հաջող ավարտը, այլև ողջունում ենք նոր Artbox Entrepreneur ծրագրի մասնակիցներին, ովքեր պատրաստ են մեկնարկելու իրենց բիզնես մտածելակերպի և հմտությունների զարգացման ուղին։ Հայաստանի ստեղծարար տնտեսության պայծառ ապագան ուղիղ կապ ունի այս համայնքի կենսունակության հետ, քանի որ ստեղծարար սեկտորը հանդիսանում է նորարարության, աշխատանքի և աճի գլխավոր ասպարեզներից։ «Կատապուլտը» անհամբեր սպասում է Artbox-ի նորանոր սերունդներ ողջունելուն և պատրաստ է որպես գործընկեր սատար կանգնելու և առաջխաղացնելու այս համայնքը» – ասաց «Կատապուլտ» ստեղծարար աքսելերացիոն ծրագրի ստեղծագործական ռազմավար և ղեկավար Աննա Գարգարյանը։

Artbox-ը Creative Armenia-ի հեղինակային ծրագիրն է։ Creative Armenia-ն առաջատար հիմնադրամ է ամբողջ հայության համար։ Artbox-ը իրականացվում է Հայաստանում Եվրոպական միության ֆինանսավորմամբ և ՀԲԸՄ Հայաստանի հետ համագործակցությամբ՝ «Կատապուլտ» ստեղծարար աքսելերացիոն ծրագրի շրջանակներում։ 

Ոգեշնչված բիզնեսի և տեխնոլոգիաների նորարարական մեթոդներից՝ Artbox Ինկուբատորը ինկուբատորի մոդելի վերաարտադրումն է արվեստի աշխարհի համար. դինամիկ ձեռնարկատիրական համակարգ, որն աջակցում է արվեստագետներին և օգնում զարգացնել իրենց գաղափարները՝ դարձնելու դրանք առևտրայնորեն կենսունակ և ներդրումային: Ինկուբատորի մասին ավելին իմանալու համար այցելեք մեր կայք՝: