Creative Armenia-ն հաջողությամբ ավարտեց Artbox Accelerator հեղինակային ծրագիրը՝ նպատակ ունենալով խթանելու ստեղծարար արդյունաբերության ոլորտում գործող բիզնեսների աճը:

2024 թվականին հունիսից հուլիսի վերջ ընկած ժամանակահատվածում երաժշտության, նորաձևության, անիմացիայի և այլ ոլորտներից 16 ստեղծարար բիզնեսներ մասնակցեցին Artbox Accelerator ծրագրին՝ զարգացնելու իրենց բիզնեսները, ընդլայնելու իրենց լսարանները և բարձրացնելու շահութաբերությունը: 8-շաբաթյա ծրագրի ընթացքում ընտրված թիմերը աշխատել են փորձագետ և կայացած ձեռներեց մենթորների հետ, որոնք փորձառություն ունեն այնպիսի առաջատար միջազգային ընկերություններում և հաստատություններում, ինչպիսիք են LEGO®-ն, Parsons-ը, Burberry-ն, և միացել են ծրագրին աշխարհի տարբեր ծայրերից՝ Ֆրանսիայից, Դանիայից, Նիդեռլանդներից:

Ծրագրի աշխատարանները ընդգրկում էին թեմաների լայն շրջանակ՝ բիզնեսի կատարողականի գնահատումից մինչև ապրանքի բարելավում, արդյունավետության օպտիմալացում, աճի նախագծում և ավելին:

Artbox Accelerator ծրագիրը հաջողությամբ ավարտած 16 ստեղծարար բիզնեսներն են՝

• AAA Audio (Երաժշտական արտադրություն)
• Ակտուալ արվեստ (Հրատարակչություն)
• Amara (Երաժշտական հրատարակչություն)
• Avetis (Նորաձևություն)
• Bars Media (Ֆիլմարտադրություն)
• Cyber Folk (Երաժշտական ​​կրթություն)
• Film Locations: Armenia (Ֆիլմարտադրություն)
• HAYFILM CLUSTER (Արվեստի կենտրոն)
• Library for Architecture (Արվեստի կենտրոն)
• Man In Town (Նորաձևություն)
• Mihr Theatre (Կատարողական արվեստ)
• Moov Studio (Անիմացիոն ստուդիա)
• Narine P (Արվեստ և արհեստ)
• Popok Animation (Անիմացիոն ստուդիա)
• Proper Studios (Ստեղծագործական գործակալություն)
• VINTABILIA (Նորաձևություն)

«Creative Armenia-ում մենք ընդգծում ենք գործող ստեղծարար բիզնեսների աճի խթանման կարևորությունը։ Մենք հպարտությամբ կարող ենք ասել, որ Artbox Accelerator ծրագրի միջոցով 7 ստեղծարար բիզնեսների նոր ալիքին տրամադրել ենք աջակցության և դրամաշնորհների համալիր փաթեթ՝ խթանելու նրանց ներգրավվածությունը տեղական և միջազգային շահագրգիռ կողմերի հետ, ցուցադրելու իրենց աշխատանքը, ընդլայնելու իրենց եկամուտները, ինչպես նաև մեծացնելու հանրային իրական ազդեցությունը», – ասաց Creative Armenia-ի ծրագրերի տնօրեն Անուշ Տեր-Խաչատրյանը։

Ընդհանուր 210,000 եվրոյի չափով դրամաշնորհ հատկացվել է հետևյալ 7 մասնակիցներին․

• AAA Audio (Երաժշտական արտադրություն)
  Հայկական երաժշտական ​​տեխնոլոգիական ընկերություն, որը մասնագիտացած է վիրտուալ գործիքների ստեղծման և հեռահար ձայնագրման ծառայությունների մատուցման մեջ։
• Bars Media (Ֆիլմարտադրություն)
  Վավերագրական ֆիլմերի ստուդիա, որը ստեղծում է մարդակենտրոն և ազդեցիկ պատմություններ։
• Cyber Folk (Երաժշտական ​​կրթություն)
  Երաժշտական ​​կրթական հարթակ, որը տրամադրում է օնլայն և օֆլայն դասընթացներ երաժշտության արտադրության, դիջեյինգի և կենդանի կատարումների վերաբերյալ:
• HAYFILM CLUSTER (Արվեստի կենտրոն)
  Արվեստի բազմաոլորտ կենտրոն, որն աջակցում է տեղացի տաղանդներին երաժշտության, վիզուալ արվեստի և կայուն արտադրության ոլորտներում՝ հիմք ընդունելով ներառականությունը, նորարարությունը և կայունությունը:
• Man In Town (Նորաձևություն)
  Հայաստանում արտադրված ժամանակակից առօրյա հագուստ և աքսեսուարներ տղամարդկանց համար, որը միախառնում է ավանդական ոճերը ժամանակակից միտումների և երևանյան ոգու հետ։
• Popok Animation (Անիմացիոն ստուդիա)
  Ստուդիա, որը համակարգչային գրաֆիկայի ծառայությունների մատուցումից անցում է կատարում սեփական անիմացիոն շարքերի և ֆիլմերի մշակմանն ու արտադրությանը՝ նպատակ ունենալով աշխուժացնել հայկական անիմացիայի ոլորտը և ներկայացնել Հայաստանը միջազգային հարթակներում:
• Proper Studios (Ստեղծագործական գործակալություն)
  Երևանում և Լոնդոնում գործող ստեղծագործական գործակալություն, որը տրամադրում է բարձր որակի դիզայն և հաղորդակցման ազդեցիկ արտադրանք՝ օգնելով հաճախորդներին հասնելու իրենց նպատակներին: